Huan, Thu tuh sa a hongsuak a, eite lak ah a teng, hehpihna leh thutak a dim in; a thupina Pa Tapa tang neihsun thupina bangbang, eite’n i muta (Jn.1:14).
Laisiangthou in khovel tuh khalam nin paihkhawmna bang in agen hi. “Khovel mite buahna”, “khovel thanghuainate” chih leh “khovel a siatna” chih bang in gen hi (Ezra 6:21; 2 Pet.2:20; 1:4). I diktatna teng leng “puanse nin” lel bang in agen hi (Isa.64:6).
Hinapi in Jesu khovel ah hong pai a, a nak hon hum khum kei hi. Siahkhon leh mikhialte toh an a nekhawm hi (Lk.5:27-32). Tatna nna sem in om a, agimse teng nam in niinlak ah i gim a hon zongkhia in hon hondam hi.
Pathian nna i sepna ah mi a melpuak leh a gim ua kipan muhsit louh poimoh hi. Ei leng lametna neilou a niin paihkhawmna mun a Jesu’n hon zonkhiak ahi chih mangngilh kei ni. Ei leng zatna bei leh thulimlou ihi ua, hinapi in a hong zongkhia hi. I sih sik in a si hi! Khelhna ziak a gim namsia a kidim i tuahkhak nawn chiang in ei leng huai bang a Pathian adia ana gamse ngei ihi chih thei ni. Huaiziak in niinlak a hong lakhia i Hondampa thu hilh zelzel ni.
Pa aw, ka khelhnate uh bang chituk a nang adia gimsia ahia chih ka thei kei uhi. Na Tapa’ sisan tungtawn a non siansak ziak in kipahthu kon gen uhi.
Unaute zingpha. Tuni hun zatnuam chiat.