Huan, amah mah in, mi tengteng kiang ah, kuapeuh in hon zuih a ut leh, amah kingaihsak lou in, niteng a kros pua in hon zui hen (Lk.9:23).
Khrist nungzuih kichi thil khauhpi ahi. Khrist zui ding a thupukna na lakni tuh nang leh nang kisisak ding a thupukna na lak ni ahi. Na hinkhua thununna Amah khut ah na pekhia hi. Nang deihdan hita lou in, Amah deihdan in na kithununta a, na lungtang laltutphah a Amah tu in, Aman na hinkhua ah vai a hawmta hi.
Himahleh hiai tuh hun khat nasep (one time act) kia ahi kei a, i niteng nasep ding ahi hi. I mihing luipen baptisma ah sihsak in om mahleh a hong thou kik zelzel sek hi. I sa utna paihkhiak kichi thil baihsam ahi het kei hi. A sang a sim vei kross ah kilhlumta mah lehang, a sang a sim mah i kilhlup touh zelzel a poimoh hi.
Pa aw, tuni a ka mihing lui uh ka sihsak theihna ding un hatna leh hangsanna hon pia in.
Unaute zingpha. Tuni hun zatnuam chiat.