Huan, naupang chik khat a kai a, a lak uah a dingsak a: huan, a pom a, a kiang uah, Kuapeuh ka min ziak a hichibang naupang chik khat leng kipahpih tuh keimah hon kipahpih ahi ding, kuapeuh kei hon kipahpih tuh, kei hon kipahpih ahi kei ding ua, hon sawlpa kipahpih ahi zaw ding uh, a chi a (Mk.9:36,37).
Lalgam ah kua a thupipen dia?
- Nupi, tate nap siaksiang sak a, ek a thak chiang ua sawpsiang a diapers kheksak a, a kimawlna thaangte uh hahsiang a, an piak kawm leh a awih ihmut kawm a *_”Jesu’n Hon It”_* chih la sa a, Laisiangthou a mi minthangte tanchinte sim a, nitak teng a tate thumpih gigetu ahi diam?
- Papi, nitum a nna sem a, office kai a, inn tun chiang a tate kimawlpih a, don a, a homework-te uh bawlpih a, tate kiang a Pathian itna thu genpihtu ahi diam?
- Meithai, nu leh pa hihna kop a hahksa tak a tate enkoltu ahi diam?
- Sunday skul sinsaktu, kal khat sung a naupangte theihsiam ding leh lunglut theihna ding in Pathian thu bang chibang in hilh leng a hoih de aw chi a hun zang gigete?
- Pi leh pu, tute don a Laisiangthou tangthute hilh a, Pathian laudan sinsak gigete?
Hiaite tuh mi thupi, naupangte it a apanpihna ziak kia uh hilou a, a thanopnate uh ziak un ngaihsanhuai mahmah uhi. Naupangte adia a thilhihte uh, a itnate uh, a ngaihsaknate uh, Pathian adia sem kha ahi vek uhi. Khrist min leh a thupina ding in naupangte tung ah thil thupitak sem ua, a thupi mahmah uhi.
Pa aw, goutan non piakte ziak in kipahthu kon gen uhi. It a, chiil a, nang a ding a kon sepsak theihna ding un hon panpih in.
Unaute Toupa’ ni zingpha. Tuni kikhop nuam chiat.