Huaiziak in, bangchi na sa a? hon hilh di aw? Kaisar kiang a siah tawi a siang hia sianglou? a chi ua. Himahleh, Jesu’n a gitlouhdan uh a na thei a, Lepchiahte aw, bangdia hon ze-et na hi ua? Siahsum tuh hon la un, a chi a. Huan, a kiang ah makhai a hon la ua. Huan, ama’n a kiang uah, Hiai kua lim leh kua min ahia? a chi a. Amau tuh a kiang ah, Kaisar a, a chi ua. Huan, ama’n a kiang uah, A hih nung, Kaisar thilte Kaisar kiang ah pia unla, Pathian thilte Pathian kiang ah peta unla, a chi hi (Matt.22:17-21).
Pharisaite’n Jesu mat theihna ding lampi mu in a kikoih ua, huchiin siah piak ding leh ding louh thu Jesu hon dong uhi. Jesu’n Kaisar kiang ah siah piaklouh ding ahi achihleh Pilate kiang ah hek ding; siah piak ding ahi achihleh Rome kumpite gum ahi chia mipite kiang a gen a, a gintakna teng uh suksiat sak ding chih lungsim a nei uhi.
Himahleh Jesu’n a lungsim uh a thei mahmah a, amau kilamet louh dan tak in a dawng hi. Siah a piakna sum uah Kaisar lim tuang a, huaiziak in siah na piak ding uh ahi, achi hi.
Ahihleh Pathian bang i pe dia? Jesu’n siah thu a dotna a bawl bang in dotna bawl le hang, “Pathian lim koi ah a tuang a?”
Ei mihingte tuh Pathian batpih a bawl ihia, Pathian lim tuh ei ah a om hi.
Kaisar thilte Kaisar kiang ah pia in, Pathian thilte Pathian kiang ah pe ni.
Pa aw, ka pumpi ua na kiang a hong kipethei din hon panpih in.
Unaute Toupa’ ni zingpha. Tuni kikhop nuam chiat.