2025

Kua gitlouh leng gilou in thuk kei un. Mi tengteng muh in thil kilawm ngaihtuah un (Rom.12:17) Mihing in i tung a thil gilou bawlte thukkik utna lungsim kinei hi. Himahleh mi hoihloute kisuksiat sak sang in mi hoih suahsak tuh Pathian deih dan ahi zaw hi. Mi dang in thilhoihlou bawl mah le uh; ei […]

Amah ngakte kiang ah TOUPA a hoih, amah zong mi tung ah. Mi’n TOUPA hotdamna a lamet a angak vengveng a hoih hi (Kah.3:25-26) Kuhkal tak a Pathian ngak tuh thil haksapi ahi. Himahleh huai ngakzohna ah Pathian a kipak hi. Lametna a om louh lai a lamen teitei a ngaktheih tuh Pathian muanna khat ahi.

Bangkim teng sa’ng in phatuamngai tak in ki-it tuah chiat unla; itna in gilou tampi a khuh zel (1 Pet.4:8) Mi khat hihkhelh ziak leh thulimlouh ziak a khristiante i buaikhak sek pen itna taksap ziak hisek hi. Ki-ittuahna chihlouh hon sudam a hon gawmkhawm thei omlou hi. Unaute zingpha. Tuni hun zatnuam chiat.

Lametna lam ah, kipak unla; gimthuakna lam ah, kuhkal unla; thumna lam ah, thum teitei un (Rom.12:12) Laisiangthou in maban lohchinna ding ah lametna leh kuhkalna toh pang a thumna a pang teitei ding in hon sinsak hi. Haksatna om sek mahleh lametna toh kuhkal tak a pang chiat thei ding in ikihasuan uhi. Unaute zingpha.

Bangkim ah kipahthu gen gige un; huai tuh noumau lam thu ah Khrist Jesu ah Pathian deihlam ahi (1 Thess.5:18) Pathian hoihna suut hi lehang kipahthu genna ding tampi kimu thei ding hi. Himahleh mihingte’n a hoihna suutlou in vuina ding kimu kha nak hi. Sawltak Paul in “Bangkim ah kipahthu gen gige un” achih bang