Huan, a pu in, Toupa a kiang ah a om a, a thilhih peuhmah Toupa’n a khut ah a lohchingsak chih a thei a. Huchi’n, Joseph in a pu hehpihna a mu a, a nna a sem zel a: huan, ama’n a innkuante tung ah heutu in a bawl a, a neih tengteng a khut ah a koih vek hi (Gen.39:3,4)
Diklou tak a bawl a i om chiang in bang ichi dia? Joseph en ni. A sanggamte mahmah in sikha dia zuak in a om a (Gen.37:28), apu’ zi enlah chia diklou tak a ngoh in a om a (Gen.39:18), apanpihsa Pharo’ uain pepan a mangngilh a (Gen.40:23), kawkhuk ah nih vei paihlut in a om a (37:24; 40:15), a puansilhte leng nih veitak thagum a suahsak in a om hi (Gen.37:23; 39:13). Himahleh Joseph in Toupa ah muanna a koih a, huchiin inkuan, suangkulh leh lalgam khat tung a thunei a bawl in a om hi (Gen.39:4;22;41:40). A puansilhte nih veitak laksak in om mah leh huaite sang a hoih zaw Pharo in apia hi (Gen.41:42). Joseph in a hinkhua ah bang teng tuak mahleh Pathian a theigige a, Pathian in leng amah a theigige hi.
Unaute zingpha. Tuni hun zatnuam chiat