Kuapeuh genthei hehpihna nei in TOUPA a di’n a leitawi sak a, huan a thilhoih hih amah a din nawn ding (Pau.19:17)
Mi tamzaw ten muhna lam kia metna leh punna kisakha sek a, himahleh huai ana hi gige khollou hi. Laisiangthou in “bang khat lak sang in piak in lukhawng a nei zaw” (Nas.20:35) ana chih bang in, genthei hehpih a leitawisak hiam, panpih hiam in, a genthei pen hilou in, Toupa leitawisak, ditnawn ding a pia ahi chih tuni i tangteel ah imu hi. Mi ginomloute kiang a leitawisak tuh muhkik a haksa a, himahleh mi ginom leh diktatte leitawisak bel muhkik haksa lou hi. Toupa leitawisak tuh thasialhuai hetlou hi; hon dinnawn ding chih hi zomah. Huaiziakin gentheite lam ah ban zak in, amaute hehpih lehang Pathian kipahlam ahihban ah a kiang a leitawisak ihi ding hi.
Unaute zingpha. Tuni hun zatnuam chiat.