Huan, zingsang in, khovak ma tham in a thou a, a pawt a, gamdai mun ah a va hoh a, huai ah a thum hi (Mk.1:35)
Tuni a i tangteel tuh i Toupa Jesu Khrist thumna neih thu ahi. Thumna hun a zat theihna ding in, midang toh kisubuailou, mun dai anaih hi. Lungsim tengteng toh lunglut tak a thumna hun i neih theihna ding in mun thoveng, mahni kia toh Pathian in hun zatkhawm theihna mun a poimoh hun leng a om hi. Zingkal tuung, i luingsim leng ngaihtuahna tuamtuam in a luah buaima, hun thoveng leh mun dai bang ah thumna hun nei thei zelzel lehang i khalam hinkhua leh i khosakna ah kikhekna om ngeingei ding in gintakhuai hi. I Toupa Jesu, Pathian’ tapa hilhial in leng hichikhop a thumna a ngaih poimoh leh ei khristian, Amah nungzui ten leng thumna neih poimoh ngaih luat ding ahi chih hon musak hi. Thumna limsak khristian tuh a chidam a, khandan dik in a khang a, gah leng a suah hi. Huaiziak in thumna limsak khristian hih sawm in, lungsim tengteng toh lunglut tak a thumna hun i neih theihna ding in mun thoveng leh mundai deuh bang zang thei zelzel ding in kisin sawm chiat ni.
Unaute zingpha. Tuni hun zatnuam chiat.