Huan Mosi in mite kiang ah, Lau kei unla, ding dinden un, TOUPA hotdamna tuni a nou a hon etsak ding, en un: huni a Aiguptate na muh uh khantawn a mu nawnlou ding na hih ziak un. Toupa’n nou di’n a hon dousak ding a, na pau kei ding uh, a chi hi (Exo.14:13,14)
Tuni a i tangteel tuh Israel ten Aigupta hon pawtsan a, Aigupta sepaih ten a hong delh lai ua, Mosi a phunsan lai ua Mosi in a dawnna kampau ahi. Ei hatna a i zohlouh, i bawl zohlouh ding om mah leh Pathian hatna muang in thumna toh pang in lunglel kei lehang zou thei ihi chih amuh theih hi. Hun tamzaw ah i lunglelh baihziak leh i thuakzohlouh ziak in kivuallel kha sek hi. Himahleh Pathian lam en a panla ten zohlouh a nei kei uhi.
Unaute zingpha. Tuni hun zatnuam chiat.