Ngai in, tate tuh Toupa lak a i goutan ahi ua: gil a gah tuh a kipahman hon piak ahi (Sam 127:3)
Pathian in mihingte kiang a a thilpiakte lak a manpha penpen, gou a chih omsun, tate ahi uhi. Inn leh lou, sum leh pai, neih leh lam ichihte leitung a i nutsiat vek ding ahihman un, Pathian ngaih in gou ching zoulou uhi. Himahleh tate bel, leitung hinsung kia hilou a, sih nung a tangtawn a hing a hun zang dingte ahihman un, Pathian ngaih in manpha in thupi hi. Huaiziakin ama deih dan leh lamet dan a tate kem chiat ding in nu leh pa ten panla thak ni.
Unaute zingpha. Tuni hun zatnuam chiat.