Kei a di’n bel Pathian naih a hoih a: Toupa Pathian tuh ka kihumbitna in ka nei a, na nnasep tengteng thu ka hilh theihna ding in (Sam 73:28)
Khovel ah thil hoih bang a kilang, ahihhang a hoih vek khollou, hon hip thei tampi om hi. Mel hoihna, hauhsakna, thuneihna, itna, nopsakna, vualnopna leh adangdangte a sia hi gige kei mahleh, a hoihpen leng na hi gige deklou uhi. A hoihpen tuh Pathian it pen a neih a, Amah toh kinaitak a om a, damsung a Amah lawm nai pen a neih gige ahi hi. Lohching a, tuahpha hinapi, Pathian i gamlat leh a hoih tuan kei. Haksatna, buaina, dah leh lungkhamna nangawn i tuah a, tua te’n Pathian toh hon kinaih sak leh a hoih zawtham ahi. Pathian naihpen gige thei ding in panla chiat ni.
Unaute zingpha. Tuni hun zatnuam chiat.