Ngai in kongkhak a dingh in ka kiu hi; mi kuapeuh in ka aw azak a kong ahonleh akiang ah ka lut dia amah toh nitak an ka ne dia, ama’n leng kei toh ane ding hi (Kil.3:20).
Tuni i tangteel a i muh bang in Laodicea saptuam sung ah Jesu pen innsung a om khalou in innpua a om ana hi maimah hi. Jesu sapna i ngaihsak kei leh “Ka kha in tangtawn in mi a sual nilouh louh kei ding” (Gen.6:3) achih bang in hon chihkhum ding lauhuai hi.
Jesu’ sapna ngaihsak mite’n “Toupa toh nitak an umkhawm ding uhi” chih i mu hi. Nitak an nekna mun ah mite kikhual in zangiak zel uhi. Jesu toh an umkhawm a teenkhawm ahih theihna di’n kong hon kuul hi.
Jesu nei bang a kingaihsun hinapi in Jesu pen inn pawlam a koihkhak theih ahihna ah saptuam, inkuan leh Khristian mi malmalte kivelthak zelzel ngai hi.
Unaute zingpha. Tuni hun zatnuam chiat