Migenthei nuamsa lou, zawng, mitdel leh vuaktang na hih lam kithei lou a, ‘ka hausa, hauhsaknate ka neita, bangmah ka kitasam kei,’ na chih ziak in (Kil.3:17).
Laodicea saptuam tuh mihing etdan ah saptuam hausa leh hat himahleh tuni i tangteel a i muhna ah Jesu etna khalam ah saptuam zawng, genthei leh hehpihhuai mahmah ahi uh chih i mu thei hi.
Mitlou bawlna khopi a teeng in salam mit chiimtak nei mahle uh khalam a “mitdel” ahi uh chih i mu hi (Jn. 9:35-41). Laodicean puanmalngat hoih taktak in kizem mahle uh khalam a kithopna neilou leh vuaktang ahi uhi. Amau leh amau “hausa leh taksap neilou” bang in kimu mahle uh a khalam hinkhua uh a hawm leh bangmahlou ana hi maimah uhi. Sahkhua ngaihsakna, thutak kisinsakna leh khalam thil khawkngaihnate tasam mahmah saptuam ahi uh.
Tuni a Pathian’ saptuamte leng hiai bang dinmun a ding thei gige ihi chih thei in, khalam thilte mah pibawlpen in nei hi.
Unaute zingpha. Tuni hun zatnuam chiat