A bang a bang hileh, Kha Siangthou na tung ua a hong tun chiang in thilhihtheihna na nei diing uh; huchi’n, Jerusalem khua khawng ah, Judia leh Samari gam khua teng ah, kawlmong pha in leng ka thu theihpihte na hi diing uh, a chi hi (Nas.1:8)
Tuni a i tangteel tuh lalgam tun hun diing toh kisai anungzuite dotna Jesu’n a dawnna ahi.Hiai a dawnna toh Marka 9:1 a Pathian’ lalgam tunna diing agen enkhawm le hang, lalgam hong tun hun ding leh hong tun diing dan muh theih hi.
“Chihtaktak in k’on hilh ahi, hiai a ding a khente, Pathian lalgam thilhihtheihna toh hongtung a muh ma ua, sihna chiamlou hial diing a om uh” (Mk.9:1).
Lalgam pen thilhihtheihna (power) toh hong tung diing ahihdan gen a, thilhihtheihna (power) pen Kha Siangthou a hong tun chiang a nei diing uh ahihdan uh tuni i tangteel in gen hi. Huai om dan bel Kha Siangthou hong tun hunhun a lalgam leng hong tung diing, thilhihtheihna leng nei diing uh chihna ahi hi.Pentecost ni in (Nasepte 2), Kha Siangthou hong tung a, nungzuite’n leng thillamdang hihtheihna hon neita uhi. Huaiziak in Pathian’ lalgam hong tung diing chia genkholh a ana omom, hong tun hun diing nungzuite’n ana dot utuh a taktak in hong tungta hi. Huaiziak in Toupa’ thumna chia i theih, Jesu’n nungzuite ana ngetsak, “na lalgam hong tung hen” (thy kingdom come) chia thum a ngai nawnta kei hi.
Unaute zingpha. Tuni hun zatnuam chiat