Huan sa thilhihte tuh a kilang chian ahi, huaite tuh hiaite ahi uh: angkawmna, kingaihna, thanghuaina, hukna, milimbiakna, bumna, huatna, kinakna, hazatna, hehna, kilanna, omtuamna, gintuamna, deihgohna, tualthahna, zumunnopna, zukhamna, hichite khawng; huchibang a thil hih chingte’n Pathian gam a tang kei ding uh, chi a tuma a k’on hilhkholh mahbang in, k’on hilhkhol ahi (Gal.5:19-21)
Tuni a i tangteel in sa thilhih chia a gen doudoute mihingte’n khelhna lian zaw deuh, neu zaw deuh bang in kikhen kha sek hi. Himahleh Sawltak Paul in khentuam hetlou in hiai bang thilhih chiingte’n Pathian’ gam a tang kei ding uh achi hi. Poimoh sa mahmah ahi ding a, ana hilh khitsa himahleh a laikhak ah ahon gen nawn hi. Hiai khelhnate ei a a-om lai teng khagah i nei thei kei ding a, hiai sa thilhihte i koihkhiak chiang in aban a kigen khagahte i nei thei pan ding hi.
Unaute zingpha. Tuni hun zatnuam chiat