Huaiziak in, kihasuan chiat in, kitungding tuah chiat un, na hih naknak mah bang un (1 Thess.5:11)
Pathian in khristiante tuh khat-le-khat kidomsangtuah, kilamtoutuah, kihanthawntuah, kitawsawntuah leh kipanpihtuah ding in hon deih hi. Hiai mah tuh kumzabi khatna a saptuam masate leh khristian mi malmalte’n ana hih uh ahi. Jerusalem saptuam a Joses ngial tuh midangte adia hanthawntu hoihtak ahihziak in Sawltakte’n a min a leng sam zozen lou in Barnaba (huai tuh Hanthawnna Tapa chihna) a chi hial uhi. Mi hanthawntu leh tungdingtu hih sang in mi sulungleltu leh kainiamtu hih baihsam mahmah hi. Himahleh tuni a i tangteel in hon sinsak mah bang in kihasuantuah in kitungdingtuah lehang i biak Pathian kipak zaw ding hi.
Unaute zingpha. Tuni hun zatnuam chiat