Huan aman a kiang uah, Naomi hon chi kei un. Mara hon chi zaw un. Bangkim hihtheipa’n lah khasiathuai tak in a hon hihta ngal a (Ruth 1:20)
Moab gam a kialtai a aom lai un Naomi in a pasal, Elimelek ban ah a tapate nih, Mahlon leh Kilon khuai in, a moute gel toh meithai in a hong om uhi. Juda gam a kiknawn sawm in a moute gel nawkik ding in sawl hi. Orpa in kiksan a, himahleh Ruth in bel kiksan lou in bel tinten hi. Bethlehem khua hong tun un, a kho numeite’n “Naomi ahi zen houh maw?” ana chi ua, huchiin aman tuni a i tangteel in dawng hi. Naomi in a hinkhua a vangsia kisa leh khasia in om mahleh Pathian in thiltup nei ahi chih a theikhia hi. A tawp in Ruth toh Boaz hong kiteng ua, tapa Obed a hon nei uhi. Obed tuh Jesai’ pa ahi a, Jesai tuh David’ pa ahi a, huchiin David’ suan apan Jesu Khrist, khovel Hondampa ahong piang hi. I hinkhua a haksatna leh khasiatna i tuahte zong Pathian in tup a neih ziak hikha thei ahihman in, khasia in lungke kei ni.
Unaute zingpha. Tuni hun zatnuam chiat