Kha Siangthou in, Henna leh haksatna in nang hon dawn hi, chi’n, kho teng ah a hon hilh zel hi, tuate kia ka theih ahi. Himahleh, ka kitaitehna lam ka maban tun ding leh, Toupa Jesu kiang a huai nnasepna ka muh, sem khin phot leng, ka hinna leng khiaklah tuak in ka sep kei hi (Nas.20:23-24)
Tuni a i tangteel tuh Sawltak Paul in a khualzin thumveina (missionary journey) hong kik lam a, Jerusalem zuan a apai lai a, Miletus tuikulh a Ephasa saptuam upate sam a, a kiang ua a thugen ahi. Haksatna a tuah dingte ziak in a lungke kei a, Pathian sapna leh sehna sepkhiak tuh a hinna humbitna sang in a teel zaw hi. Khrist nung i zuihna ah, ahihkeileh A nna i sepna ah, haksatna hong tung dingte leh i tuah dingte ziak in lunglel kei ni. Sawltak Paul bang in Pathian sapna leh sehna ah mihangsan, tupna hoihtak nei, kuhkal leh ginom mi hih sawm chiat ni.
Unaute zingpha. Tuni hun zatnuam chiat