Theihna neihlouh ziak in ka mite hihsiat in a om ua; theihna na deihlouh ziak in, ke’n leng, kei dia siampu na hihlouhna ding in ka hon sam kei ding; Na Pathian dan na mangngilhta chih thei in, ke’n leng na suante ka mangngilh ding (Hos.4:6)
Tulai khangthak khristiante lak ah Pathian thu theihna ah kiakniamna nasatak om a bang hi. Bible sung thu kia leng hilou in, a laibu minte nasan koi a om ahia chih leng theilou unaute lak ah a tam mahmah mai diam chih lauhhuai hi. Pathian nam tel Israelte’n Pathian thu theihna leh deihna a neihlouh ziak un hihsiat in ana om uhi. Ei leng hihsiat a i om sam louhna ding un Pathian thu theihna lam a i khan poimoh a, huai din kisinsakna poimoh mahmah hi. Thu nasemte hi in saptuam in hitaleh hiai thutak kisinsakna i nelhsiah khak ding lauhuai hi. A huauhuai a anuam zawng a kizol a kithanopsakna in tui pailou in zung kai taktak lou ding hi.
Unaute zingpha. Tuni hun zatnuam chiat.