Toupa inn ah hoh ni, ka kianga achih lai un ka kipak hi (Sam 122:1)
Khristiante a ding in Pathian phat a unaute toh biakna neihkhawm sang a kithalawp huai zaw vang mahmah hi. Kum tamlou paita in Covid-19 ziak in ei ut thu hilou in bekhawm theilou in hun sawttak i om ua, poi sa in kikhop khawm theih hunte i ngai thei mahmah uhi. Pathian hehpihna toh tun zalentak in ei deihtelna toh i ut leh biakna tel a, i ut leh tellou din thupukna bawl thei in i omta hi. Hiai bang deihtelna bawl thei dia hamphatna hon pia Pathian ahi chih ngaihtuah mah dih! Amah be dia kithalawp lou in na om ut dia hia?
Unaute Toupa ni zingpha. Tuni kikhop nuam chiat.