Huaiziak in, ka unau deihtakte aw, kiptak in, hihlin vuallouh in, Toupa nasep phatuamngai tak a sem gige in om un, na sepgimna uh Toupa ah a thawn ngei kei chih na thei ngal ua (1 Kor.15:58).
Sawltak Paul in Ephesus saptuam upate kiang ah, “Toupa nna ka sem hi; huchibang in a phatuam ding thu na kiang uah bangmah im ka nei kei a….Pathian vaihawm tengteng (the whole counsel of God) a vek in na kiang uah im ka nei kei hi” (Nas.20:20,27) achih bang in Pathian’ nna sepna ah i gen utlouh i gen hun bang, i gen ut mahmah i genlouh hun bang, ei utdan leh deihdan hikeimahleh Pathian thupiak ahihziak a i sep a i bawl a om hun bang omsek hi.
Lungkiat theih hun a leng lungke lou a kuhkal tak a i pan teiteinate, i sepgimna ziak a pahtawina sang a gensiatna i tuahnate mihing lam ah haihuai leh manna lel bang mahleh Pathian lam ah thawnlou ahi chih thei a, kiptak a, hihlin vuallouh a semzom thei zel din Pathian in hatna hon pe chiat hen!
Unaute zingpha. Tuni hun zatnuam chiat.