Midang sikha gensepa kua na hia? a din leh a puk amah toupa a ding ahi. Himahleh, amah zaw dinsak in a om ding, Toupa’n a dingsak thei ngal a (Rom.14:4).
I Toupa Jesu’n, “Hawmsak kei un, hawmsak na hih louhna ding un. Na hawmsak bangmah in hawmsak in na om ding uh, na tehna ngei mah un a hon tehsak nawn ding uh” ana chi hi (Matt.7:1,2). Jakob in leng, “Dan pepa leh vaihawmpa khat lel om, hondam theipa leh hihmang theipa, nang na vengte vaihawmkhumpa kua na hia?” chi in ana gen hi (Jak.4:12). Huaiziak in khristiante’n i unaute mohsak a thukhenna bawlkhum chihte i pilvanna ding om hi.
Himahleh adik-adiklou chia i khen tan ding leh i khentan theih bel om tham hi (Matt.7:15-20). Huaite ah leng pilvang tak a kal i suan a kul hi. Polam kilatdan kia hilou a, diktat tak a thu i khen poimoh hi (Jn.7:24). I lungsim (motives) a sian poimoh a; i vaihawmna pen i huat ziak hia i deihsak ziak? Ahihkeileh bawlhoih i ut ziak hia ahihkeileh i suksiat nop man chihte ki-etchian zel poimoh hi.
Unaute zingpha. Tuni hun zatnuam chiat.