Tulai a thuaknate peuh denchiang a i tung a thupina hihlat ding toh tehpih tham in kasep kei (Rom.8:18).
Thohnawnna a “thupina hihlat ding” toh kisai Laisiangthou in bang a gen a? Gen ding tampi om mahleh tamlou a nuai ah Laisiangthou in a gen khenkhat i en ding:
- Hinna lallukhu piak in i om ding hi: “…Sih pha in ginom in, huan hinna lallukhu k’on pe ding” (Kil.2:10; hiaite le en in 1 Kor.9:25; Jak.1:12).
- Khrist thupina i kikoppih ding hi. “Huchibang ding in aman i Toupa Jesu Khrist thupina tang ding in ka Tangchinhoih un nou a honsam hi” (2 Thess.2:14; hiaite le en in 2 Thess.1:7-12; Phil.3:21; Kol.3:4).
- Pathian bang a bawl lamdang in i om ding hi. “Deihtakte aw, tunah Pathian tate i hi ua, bangchi’n ahia i om ding chih bel a kithei tadih kei a; amah a hong kilak chiang in, amah bang in i om ding chih bel i thei hi, amah tuh a om ngeingei bang tak in i mu ding ahi ngal a” (1 Jn.3:2).
Bang chibang a thupi ding ahia chih mihing ngaihtuahna in baan zoulou hi. Nang kia in mun dai leh thoveng khat ah vangam thupi ding dan ngaihtuahna in hun zang sin himhim mah dih.
Unaute zingpha. Tuni hun zatnuam chiat.