Van lalgam tuh lou a gou phumguk bang ahi; huai min amu a, asel a, a kipah ziak in a neih tengteng a zuak a, huai lou a leita hi (Matt.13:44).
Na hotdamna bang chituk in manpha na sa a?
Tuni i tangteel tuh Jesu’n Gou Phumguk gentehna thu agenna ahi. Hiai gentehna leh aban a Tuikep Suang gentehna thu ah mi khat in thil manpha tak mu in, huai a tan theihna ding in a neih tengteng zuak in a lei hi. Nang a din van lalgam bang chituk in a manpha a?
Hiai gentehna a gou kiphumgu tuh gou manpha tak, i tangtawn hinna ding ahi. Hiai gou i neih theihna ding in man piak i nei hia? A gingta a athu zui peuhmahte adin a thawn ahi diam? A dawnna tuh “hi” (yes) leh “i” (no) ahi. I neih theihna ding in sum leh pai sen ngailou a, huaiziak in a thawn a suak hi. Himahleh hiai a thawn i tan theihna ding in Jesu’n aman ana pia a, en leng i sa hinnate, Pathian deihlouh hinkhuate i taan (give up) ngai hi.
Na hotdamna nang a din bang chituk in a manpha a?
Unaute zingpha. Tuni hun zatnuam chiat.