Nang bang a thulimlouhna ngaidampa leh a goutan om sun tatlekna nelhsiahpa Pathian kua a om a? a hhna khantawn in a vom gige kei, hehpihna a akipah mahmah sek ziak in. A kilehhei nawn ding a, i tung ah hehpihna a nei ding; i thulimlouhnate a khe nuai ah a sikden ding; nang amau khelhna tengteng tuipi taw thukpi ahte na pai lut ding (Mika 7:18,19).
Kum 2010 in Deepwater Horizon kichi, khovel khangthu adia thautui puakzak a kithehzak nasatna pen Gulf of Mexico tuipi ah om hi. Thautui gallons 210,000 ding a hisap tuipi a bawzak ahihziak in misiam khenkhatte’n America gam Florida state tanpha zak ban ding in gen uhi. Himahleh a thautuite tuipi taw lam ah tum mang in misiamte gintak sang mah in bangpi subuailou hi. Thautui a tam sang mah in huai tuipi a tuite a leh tampi in tamzaw tham a, huaiziak in tuipi tuite’n depmang zou hi.
Hiai thautuite a lauhuai bangbang in i khelhnate lauhuai in hon hihsetu hi thei gige hi. Himahleh i khelhnate a thupi tuktuk in Pathian’ itna leh hehpihna tuipi sung a i paihkhiak chiang in muh ding omlou in mang hilhel thei hi.
Pa aw, ka gitlouhna uleh khelhnate tengteng hon ngaihdam zel ziak in ka kipak mahmah uhi. Na itnate ahi di mawng a lalou ding in pilna lungtang hon pia in.
Unaute zingpha. Tuni hun zatnuam chiat.