Aw Ephraim, bang k’on chih dia? Aw Juda, bang k’on chih dia? na hoihna lah zingsang mei bang leh daitui paimang pah bang ahi ngal a (Hos.6:4).
Pathian na itna kikhek ngeilou a kibang gige a om in na thei hia? Ahihkeileh khenchiang a hat biik, ngaihtuahna tengteng toh it a om, khenchiang a lah hatlou deuh, khalam a le bah deuh hi in na kithei hia?
Bangziak a i Pathian i itna zah kikhek tuahtuah ahi dia? A ziak tampi om ding in gintakhuai hi. Nang hinkhua toh kisai ah a ziak diktak nang mah in na thei ding hi. Na lungsim tawng tak ah kingaihtuah mah dih. Bang ziak a na Pathian itna khanglou a, kiam hi in na thei a? Amah sang a na ngaih poimoh zawk khovel thil a om ziak hia? Ahihkeileh kisaktheihna ziak? Ahihkeileh a thutak Laisiangthou na sim tawm ziak? Hiai a ziak diktakte nang mah leh nang mah kizonkhiak a, a kikhek ngeilou itna toh i Pathian it taktak ding in i kingen hi.
Hiai in i khalam kia hilou in, khovel a taksa a i khosak sung in leng chidamna leh tawldamna hon pe ding hi.
Unaute zingpha. Tuni hun zatnuam chiat.