Huan hiai kumpipate gel a hih uh leh, a lungtang uh gilou hih ding ahi a, dohkan khat ah zuaute a gen ding uhi; himahleh a lohching kei dia; tawpna lah hun sehsa a tung ding ahi lai ngal a (Dan.11:27).
Daniel laibu in a gen ut pen tuh thil tengteng tung a thuneitu tuh Pathian ahia; Amah thuneihna vek ahi (God is in control) chih ahi hi.
- Kumpi Nebuchadnezzar khut a kumpi Jehoiakim petu tuh Pathian ahi (Dan.1:2).
- Kumpipate suankhia (removes) a kumpipate tungkhia tuh Pathian ahi (Dan.2:21).
- Mei kuang zuazua lak a kipan Shadrach, Meshach leh Abednego-te hunkhetu tuh Pathian ahi (Dan.3:15,28).
- Pathian tuh Tungnungpen (Most High), mite gam a vai hawm, a utna peuh dingkhe saktu ahi (Dan.4:17).
- Pathian tuh i naknate a khut a tawitu ahi (Dan.5:23).
- I Pathian tuh Pathian hing leh tangtawn a om kip, a lalgam hihsiat a om ngeilou ding; a Thuneihna om den ding Pathian ahi (Dan.6:26).
- I Pathian tuh Nite Tang-a-tuan (“the Ancient of Days”), sang sang (“thousand thousands”) ten a sepsak uh, Ama a sang sawm mun sang sawm (“ten thousand times ten thousand”) ding omna Pathian ahi (Dan.7:9,10).
Aw Tungnungpen Pathian, Nite Tang-a-tuan, Van Kumpipa, nang kia’n thupina, minthanna leh hatna na nei hi!. Mite gam ah vai na hawm a, kumpite tungkhia in na suankhe zel hi. Na thilhihte kham in, kuamah in, *”bang hih na hia?”* achi thei kei uhi. Ka Pathian uh na hih ziak in kipahthu kon gen uhi.
Unaute Toupa’ ni zingpha. Tuni kikhop nuam chiat.