Moab kisaktheihna ka na zata ua, a kisathei ngut ve, a kikoih sandan, a kisaktheihdan, a ki-otsakdan leh a lungtang kideih dante… Moab a mangthang ding, nam a ching nawn kei ding; TOUPA a nuaisiah zawk ziak in (Jer. 48:29,42).
Mihing tengteng in kisaktheihna bang tan hiam a neilou ki-omlou hi. Kisaktheihna tuh khelhna tengteng bul ahi chih theih phial ding hi. Kisaktheihna in thildang tengteng sang a mahni kia ki-poimoh ngaihna, mahni kia dik kisakna leh midang teng sang a mahni utna tungnunsakna hon tun hi. Mahni kisiamtanna leng kisaktheihna chi khat ahia, huaiziak in kisaktheihna tuh kisaktheihna in kilang gige khollou hi.
Kisaktheihna ziak in mihing ten mahni hoihlouhna muh haksa kisa a, i kibawlhoihna ding hon dal hi. I hih peuhmah a hoih in hon musak a; thil hoihlou i hih khak chiang in leng thilhoih deih ziak in hon kimusak thei hi.
Mimal hinkhua kia hilou in, nam vai ah leng ahi thou hi. Tuni a i tangteel a i muh mah bang in kisaktheihna tuh namte puksiatna leng ahi hi.
Pathian in kisaktheihna hua a (Pau.16:5), huaiziak in a gawtna leng a thuakhak (severe) sek hi. Pathian in i sia-leh-pha theihna (conscience) hon sutkhak (prick) theih nawn kei leh i theihsiamna ding a hon gimthuak (afflict) saklouh lampi dang a om nawn kei hi. Pathian in bang chik chianga “itna khauh” (tough love) hon zatkhum ding ahia chih a thei a, a tate hon thunun ding a kihta kei hi.
Huaiziak in khristian ten hun teng a i lungtang i etchian gige a, kisaktheihna i muh peuh chiang a zungkalh zelzel a poimoh hi.
Pa aw, kou leh kou ka hihna diktak uh ka kimuhchian theihna ding un hon niamsak (humble) in. Bang teng alak leh leng (whatever it takes) Toupa…na mai a khukdin theih din honpi in!
Unaute zingpha. Tuni hun zatnuam chiat