Huai lai in Babulon kumpipa sepaih hon in Jerusalem a um ua; huan, zawlnei Jeremia Juda kumpipa inn ngakmi huangsung ah a tang ahi. Juda kumpipa Zedekia in, “Bang ding a, Toupa’n hichi’n a chi: Ngai in, hiai khopi Babulon kumpipa khut ah ka pe dinga a la ding…chih gen na hia?” chi’n a tangsak hi (Jer.32:2,3).
Tuni a i tangteel tuh Babylon kumpi Nebuchadnezzar in Jerusalem hong sim lai a Jeremiah dinmun ahi (cf.2 Kum.25). Hiai hun in Babylon sepaih ten kumpi Zedekiah sal a amat mai kia uh hilou in, a mit muh mahmah ah a tapate leng a thahsak lai uhi (2 Kum.25:6,7).
Zawlnei Jeremiah in kisik ding a ana gengen a kisik utlouh ziak ua Pathian’ gawtna hong in, Juda kumpi Zedekiah in Jeremiah kiang ah, “Toupa’n hichi’n a chi: Ngai in, hiai khopi (Jerusalem) Babulon kumpipa khut ah ka pe dinga, a la ding chih bang ziak a genna hia?” chiin Jeremiah a ngoh maimah hi.
Hun tamtak ah mihingte’n, khristiante leng tel in, i khelhna leh diklouhna midang in hon gen chiang un mahni ki-etna leh kibawlna a zat sang in, a hon gentute kimudah in kimelma bawl kha sek hi. Kumpi Zedekiah mohna bang a ei leng i moh sam louhna ding un i khalam dinmun niteng a mahni ki-etchian zelzel poimoh hi.
Pa aw, na thutak ka zon ua, na thu tungtawn a vauhilhna non piakte ka zak utlam uh ahihlouh ziak a nelhsiah mailou ding in hon panpih in.
Unaute zingpha. Tuni hun zatnuam chiat.