Na lungtanga suai bangin, na bana suai bangin kei hon koihin: itna lah sihna bangin a hat ngala; han bangin agilou a: huaia kuangte mei kuangte bang ahi uh, TOUPA meikuang mahmah. Tui tampiin itna a phelh theikeia, tuikhangte’n a tum thei sam kei ding hi: itna jiak in min a inn a van tengteng pe ding hita leh, nakpitaka muhsitin a om ding hi (Solomon Late 8:6-7).
Solomon in kitenna tungtawn a itna diktak tuh sihna bang in ahat chih a hon hilh hi. Han (grave) sang in leng ahatzaw hi. Meikuang, Toupa mahmah meikuang bang ahi a, tui tampi’n leng a phelmit thei kei a, tuikhangte’n leng a tuum zou kei hi. Huai itna tuh mi’n thildang toh hon kikhekpih dek lehleng, itna a thupi luat ziak in hon kikhekpih sawm pen nakpitak a muhsit in a om ding achi hial hi. Hiai tuh nupa kal a ki-itna diktak a om ding dan mah leng ahi hi.
Hichitel a nupa kal ki-itna a thupina ziak tuh kitenna thukhun in a gakkhawm ziak ahi hi. Hiai thukhun tuh mi nih kithukimna maimai hilou in mi nihte khat hi ding a thuchiamna (promise) ahi hi. Huaiziak in i thuchiamte ngaihtuah thak zelzel in, kigentuah zelzel in, huai ki-itna mah i letkip zohna ding in Pathian kiang ah thum zelzel lehang hoih ding hi.
Unaute zingpha. Tuni hun zatnuam chiat.