Kumpipate a ding ahi kei, Aw Lemuel, uain dawn kumpipate a ding ahi kei; Zu khauh koi a om ahia, chih leng lalte a ding ahi sam kei (Pau.31:4).
Bang ziak a anu’n Kumpi Lemuel’ hiai bang a thuhilh ahi dia?
Aban tang 5-na ah a ziak hiai bang in hon gen hi: “huchilou in zaw a dawn un, dan a mangngilh kha ding uh...” Kumpite’n tuh dan toh kituak a pilna leh diktatna toh vai a hawm theihna ding un a gam dan a theih uh a poimoh hi.
Huaiziak in tuni i tangteel a anu’n Kumpi Lemuel’ kiang a “wine dawn tuh kumpite a ding ahi kei” achih a dik mahmah hi.
Khalam ah siampute leh kumpite (Kil.1:6; 1 Pet.2:9) ihihna uah eite leng Pathian’ dan i mangngilh louhna ding un pilvan a poimoh hi. Paul in leng “wine kham in om kei un” (Eph.5:18) chi’n thuhilhna honna pia hi.
Tuni a i tangteel in, “wine dawn tuh kumpite a ding ahi kei” achih lungsim a vom gige in, khalam ah siampute leh kumpite ihihna mangngilh kei ni.
Unaute zingpha. Tuni hun zatnuam chiat