Pathian ka thei gige a, ka buai naknak: ka ngaihtuah a, ka kha a bah naknak. Selah (Sam 77:3).
I biakna pomtaak ahihna dia en thanuamtak, kipaktak leh phurtak a i biak gige poimoh ahi diam?
Hiai dan ngaihsutna na neih leh diklou ding hi. Sam laibu i sim leh biakna tuh kipaktak, phurtak leh thanuamtak a thilhih hi gige lou a, peihlouh lai a le thanop suah teitei a Pathian naihna leh sapna ahihdan hunkhop muh ding leng om hi.
En thanopna, kipahna leh phurna i neihlouh man a i biakna pen a thawn hi zenzen lou hi. Khenkhat ten peihlou pipi a thumna neih teitei, Laisiangthou sim teitei leh biakna tel teitei pen a thawn leh Pathian adia pomtaklou bang in ngaihtuah uhi. Himahleh hiai ngaihdan a dik kei hi.
En nuam i sak ziak leh phurhuai i sak ziak a Pathian in i biakna pom hilou in, a thupiak bangbang a i biak ziak in pom zaw hi. Dah pipi, peihlou pipi, ngaplou pipi leh bah pipi a leng Pathian thupiak zui teitei a, i biak teitei pen Pathian in deih hi. Huaiziak in lungsim taktak toh i ngaplouh lai in leng Pathian mah be teitei ni.
Unaute zingpha. Unn.Lhingkhonei i suun a, insung mite i thumpih kawmkawm in, tuni hun zatnuam chiat.