Hiai ah leng ka lungtang a ling a, a mun a kipan suan in a om hi. A aw ging leh a kam a kipan a ging paikhia noute’n ngaikhia un (Job 37:1,2).
Elihu in a thugen li veina leh a zohna (bung 36,37) hon gen in Pathian thilbawlte, a bik in vanlam thilte ah hon phat hi. Vangin (thunder), khophia (lightning) leh huihpi ahihkeileh pingpei (whirlwind) chihte hon gen hi (37:1-5, 9, 11,15). Bung 38 ah pingpei akipan in Pathian a hong pau hi (38:1).
Elihu in Pathian’ aw tuh huihpih-vuahpi toh kithuah vangin bang in a ngaihtuah hi. Huaiziak in Pathian kam akipan a aw hong pawt didan a ngaihtuah chiang in a lungtang a ling hi.
Tamtak ten Pathian’ thu i sim chiang in hiai bang in kiza theilou hi. Pingpei, huihpi-vuah toh kithuah vangin bang in za thei in, lau le hang hoih mahmah ding hi.
Job laibu in hon sinsak nuam pen tuh Pathian lauh ding ahi (we should fear God). Pathian pilna tuh ei pilna sang in sangzaw tham hi. Pathian aw i zak peuh chiang a i lauh theih poimoh hi.
Unaute zingpha. Tuni hun zatnuam chiat