Huan Job in a dawng a, hichi’n a chi a: Huchibang thil tampi ka zata hi: lungmuanmi chimtakhuai ngen na hi uhi (Job 16:1,2).
Min thuakgimna (suffering) a neih chiang un khamuanna ding in bang na gen sek a? Job lawm ten i hihlouh dingte hon lak uh. Ahihleh en bang i gen dia?
- Laisiangthou thu akipan khamuanna thu gen in. Sawltak Pau in Jesu hong painawnna ding thu a gen khit in, “hiai thute in kikhamuan tuah chiat un” achi hi (1 Thess.4:18). Laisiangthou thutak Khrist a i lametna hon thaksak thei thute’n hon khamuan thei hi.
- Nang haksatna na tuah hun a Pathian hoihna na muhte zang in khamuanna thute gen in: “I Toupa Jesu Khrist Pathian leh Pa, hehpihnate Pa leh khamuanna tengteng Pathian, phat in om hen. Pathian in koumau hon khamuanna ngei in gimthuakna peuhmah a omte leng ka khamuan sam theihna ding un, ama’n ka gimthuaknate uah a hon khamuan zel hi” (2 Kor.1:3,4). Nang haksatna bang thuak kha midangte kiang ah na experience-te (eimah in i tuahkhak) gen le chin amau a ding in khamuanna hi thei hi.
- Om pih in (just be there). “Himahleh, nuaisiah a omte khamuanpa, Pathian in, Tita hongna in hon khamuanta…” (2 Kor.7:6,7). Khamuanna thu gen di na theih kei lehleng om pih top le chin khamuanna hoihtak hi ding hi. Job lawm ten thumal khat leng a gen ma un ni sagih sung bang ompih uhi (Job.2:13). Khenchiang in i ompih lel leng khamuanna hoih pen hi sek hi.
Unaute Toupa’ ni zingpha. Tuni kikhop nuam chiat.