Ngai in, hiai, i zongta ua, huchi’n a om, za in, na hoihna ding in thei in (Job 5:27).
Job laibu apan i zil theih ding om tuh min thuakgimna a neih chiang a bang GENLOUH ding ahia chih ahi.
Job lawmte thugente leh a kihounate uh i sim leh ning kitelhuai sak in om hi. A lawm ten a hinkhua a soisak dan uh hehpihna bei a bang hial uhi. Thil teng Pathian thuneihna ahia (a dik mah ahi), min thuakgimna a neih uleh a khelhna gah uh ahi chih ngaihdan a nei uhi.
Himahleh Job tungtang ah hiai ahihlouh dan chiantak in i thei hi. Job tuh mi diktat, Pathian lau leh Pathian in leng a kisaktheihpih mahmah ahihdan bung masate ah i mu hi.
Ahihleh a lawmte apan bang zil theih i nei a? I theihlouh tampi om ahi chih i zil thei hi. Kua hiam in hun haksa a tuah hun ah pilvang tak a om a, mohsakna kampau zat tamlouh a, a haksatna thu ngaihkhiak sak a, khamuanna thute gen zaw a, gintak thu leh kuamah dotlouhna a advice (thuhilhna) piak mawkmawk louh ding ahihdan i zil thei hi.
Hiai bang khristian ginom hihtheih chiat sawm ni.
Unaute zingpha. Tuni hun zatnuan chiat