Huan a ni nih ni’n mite tengteng pipute innkote lupente, siampute leh, Levi mite, laigelhmi Ezra kiang ah, dan thute ngaikhe ding in a kikhawm khawmta ua. Toupa’n Mosi zang a Israel tate a kha sagihna ankuangluina a aidakbukte a a tendan ding uh a thu a na piakdan dan a kigelh a mu uh (Neh.8:13,14).
Tuni a i tangteel hun in tundingkikna kha Israel-te lak ah ahat mahmah hi. Mipi ten Pathian’ Dan a zah mahmah ua, numei-pasal Dan thu kisim ngaikhe ding in hong pai uhi.
Makai ten Dan thu kisim zak kia hunlou ahihdan a thei ua, huaiziak in a ni nih ni in Ezra kiang a hong pai in, bang ahih uh kisam ahia chih thei ding in pilvang tak in hong sim uhi.
Hiai mah tuh Laisiangthou i sim ding dan ahi. A thu i simte i hinkhua toh bulh a, i zuih dingte zuih a poimoh hi.
Unaute Toupa’ ni zingpha. Tuni kikhop nuam chiat. Happy Mother’s Day!