Huchi’n TOUPA phatna leh kipahna piakna in la a kisaksak chiat ua, Amah lah a hoih ngal a, a chitna lah khantawn in Israel lam ah a om gige ngal a, chi’n. Huchi’n nakpi a kikou in mite tengteng a kikou ua, TOUPA a phat lai un, TOUPA in suangphum koiha a om ziak in. Himahleh siampute leh Levi mite leh pipute innkote lak a mi tampi, a mit ma mahmah ua hiai inn suangphum a kikoih lai a, tua inn masa mute putekte, aw ngaihtak in a kap khia ua; huan mi tampi nuamsa in ngaihtak in a kikou uhi: Huchi’n mite’n nuamsakna kikouna husa mite kahna husa toh a theikak thei kei ua: mite lah ngaihtak in a kikou un, a husa lah gamlapi ah a kiza ngal a (Ezra 3:11-13).
Mi tamtak ten hun paisate hunte ngai vungvung a i om hun om sek hi. Huai hunte nuam kisa in, lunglen hun bang om sek hi. Himahleh a taktak in i hun ngaih hunte a i om lai in hun nuam, hun ngaihhuai ahihlam kitheilou sek hi. Huaiziak in i tulel hun pen poimoh a, maban a i ngaih vungvung hun om ding ahi chih thei in, Pathian phawk kawm in a manpha leh a nuam thei pen a zat kisin sawm ni.
Unaute zingpha. Tuni hun zatnuam chiat