Huai lai in Hezekia bel si zou ding in a china a, TOUPA kiang ah a thum a; huan, a a dawng a, chiamtehna a pia a. Himahleh Hezekia in amah a ding a hoih kihih dungzui in a hih kei a, a lungtang a hong kisaktheih ziak in: huaiziak in a tung ah leh Judate leh Jerusalem tung ah hehna a hongtung hi (2 Kro.32:24,25).
Hun tamtak ah i tung a Pathian hoihna, i thumnate Pathian in hon dawnna bang in amai ah kingainiam in ki-om khalou sek. Tuni a i tangteel a i muh bang in i kisaktheihnate ziak in i tung ah Pathian hehna tung thei hi. Huaiziak in kiniamkhiak in, lungtang kingaihniamna toh i tung a ahoihnate ziak in kipahthu gen ni.
Unaute Toupa’ zingpha. Tuni kikhop nuam chiat.