Mipite a dia Pathian in a bawl thil ziak in Hezekia leh mi tengteng a kipak mahmah ua; uplouh pi a thil hong om guih a hibehlap ngal hi (2 Kro.29:36).
Hezekiah in a hong lal pat tung in amah adia a poimoh masa-te (priorities) hon taklang pah hi. A gamsung sum leh pai dinmun (economy) hiam, sepaih lam sukhat hiam leh gamdang toh kitanauna (foreign policy) toh kisai a buainate sukvung hi masalou in Pathian toh a kikal uh, Pathian’ inn bawlhoih masak a tum hi (29:3-6).
Khristian tamtak in i khalam dinmun bawlhoih pen a poimoh masa in kikoih lou hi. Buaina tuamtuam i neihte Pathian tellou in sukveng kisawm sek hi. Himahleh Hezekiah in Pathian toh kikal sukhoih hileh thildangte tengteng hong hoih tou zel mai ding ahihdan a muchian hi. Hiai mah tuh Jesu’n leng ana gen in, “a gam leh a diktatna zong masa un, huchi in hiaite tengteng hon piak behlap ding hi” (Matt.6:33) ana chi hi.
Unaute zingpha. Tuni hun zatnuam chiat