Huan Asaph te, Hemante, Jeduthunte tapa khenkhat kaihgingte, pekgingte, dakkhutbette toh a la vek a, nasem mi dingin David leh sepaih heutute’n a hihtuam ua; Huan huchibang sem nasemmite tam ding asep uhi (1 Kro.25:1).
David in Pathian phatna ding tumging bawl ding leh phat ding in Levi mi 4000 a sep hi (1 Kro.23:5). 1 Kronikul 25 sung pumpi ah tumging siamte (musicians) min leh a sep dingte uh gelh in om hi. Bung khat pumpi a tumging siamte min ngen hong kigelh i et leh galhang leh kidouna makaite minte gelhna zah mawngmawng a pha zou hi.
Bangziak a tumging siamte hichi lawmlawm a gelh dawk a om ahi ding ua? Pathian biakna toh kisai ahihziak un, Kronikul laibu gelhtu in biakna a poimohna a thei mahmah hi. David in bang chituk in sepaih galhang nei in, kangtalai leh sakolte hau mahleh Pathian hoihtak a abiak kei uleh a melmate uh mai ah vuallel thouthou ding uhi.
Hiai akipan en bang zil theih i nei a? Biakna poimoh ahi chih i mu thei hi. Thil hoih tuamtuam tampi hih a, biakna poimoh ahihdan i mamgngilh khak ding a lauhuai hi. Pathian biakna toh lohchinna tahbi ahi chih thei in, ngai poimoh ni.
Unaute zingpha. Tuni hun zatnuam chiat