Huchi’n TOUPA tunga tatlekna a hih a, TOUPA thu a zuih louh ziak in, Saul a sita a; dawi-zawl aisansiam thu a dot ziak in, Huai a thukan a, TOUPA a kipan thu a kan louh ziak in: huaiziak in amah a that a, gam tuh Jesai tapa David lam ah a peta hi (1 Kro.10:13,14).
1 Samuel laibu ah Saul tanchin bung bangzah hiam ah muh theih in om a, himahleh 1 Kronikul ah a khangthu kigenna simlouh in bung khat kia om hi. Hiai ah a sihna toh kisai leh bang ziak a si ahia chih tomkim tak a gen in om hi.
Tuni a i tangteel a i muh bang in Pathian’ thu zuilou a, a kiang a thu kan lou a, dawizawl aisansiam thu a dot (rawn) ziak a si ahihdan muh theih hi.
Haksatna hiam, lungkhamna hiam na neih chiang in koi ah na tai a? Pathian kiang a tailou a, a kiang a thu kan lou a i om khak ding lauhuai hi.
Unaute Toupa’ zingpha. Tuni kikhop nuam chiat