Huan, kumpipa’n mi tengteng kiang ah, Hiai thukhun bu a tuang bang in TOUPA, na Pathian uh a di’n Paikan Ankuang bawl un, chi’n in thu a pia hi (2 Kum.23:21).
Thukhun Lui hun a tundingnawnna (restoration) lian taktak hun thum – Hezekiah hun, Josiah hun leh Babylon saltanna akipan kikna hunte ah Paikan Ankuang theihgige in om vek hi.
Paikan Ankuang tuh Aigupta saltanna akipan Israel-te Pathian in a pikhiak theihgigena ahia, a hihna uh chiamtehna poimoh tak ahi.
Thukhun Thak ah Khrist tuh i Paikan Ankuang ahia (1 Kor.5:7), belamnou gensiat bei leh nin baanglou bangin thah in om a (1 Pet.1:18,19), huaiziak in i khelhna akipan i suakta thei uhi (Rom.6:12-23). Tanghou leh grape gahtui i nek a i dawn teng in Toupan i khelhna ua kipan hon tatkhiakna i puangzak zel hi.
Hiai theihgigena tuh Thukhun Thak tundingna nna ding in a poimoh pen khat a suak hi.
Unaute zingpha. Tuni hun zatnuam chiat