Huchi’n huai namte’n TOUPA laudan a siam ua, a milim bawl tawmte uh nna leng a sem lai uh; huchi mahbang in a suante uh leh a suante uh suante tan un leng tutan in a pi leh pute uh hih bang in a hih lailai uhi (2 Kum.17:41).
Nu leh pate sang a tate hinkhua thuzoh thei (influence) zaw ding kuamah dang omlou hi. Tate kia hilou in tute nasan i gamtat-khohei in i gingtak khel in ana thuzoh kha hi.
I tate’n hon zuih theih ding un bang khekhap i nutsiat a chih nu leh pa ten mimal chiat a kingaihtuah ding in hoih hi. Pathian biakna tan bel tungsak gige, himahleh a ginomna tak uh thildangpi tan lel in tate pikhak theih hi.
Tuni a i tangteel in kam a sinsakna sang in omdan lam a gen uang zaw a bang hi. A tate uh bang tan sinsakna pia ahia chih i tangteel in agen louh ziak in i thei kei hi. Pathian laudan siam ding a alungsim tengteng uleh hatna tengteng ua sinsak ahi kha ding uhi (cf.Deut.6:4-5). I tangteel in Pathian laudan a siam uh chi ahihman in huai ding a hilh a om hi ngei ding uhi. Himahleh huai kawmkawm in milim bawl tawmte nna leng a sem kawm uh, achi hi. A kisinsakna uleh a nasepte mah uh zui in a khangsawnte un Pathian laudan siam in, a milim bawltawmte uh nna leng a sem uhi.
I tu leh tate Pathian’ thutak a sinsak ihi kha ding; himahleh huai kawmkawm a milim bawlte nna sem bang a khristiante gamtat dia kilawmlou a i om leh huaimah tuh i tu leh tate’n hon zui ding uhi. Pathian’ thutak thei a, zui kisa kawm a milim bawltawmte’ nna sepkhak theih hi.
Hiai tan lel a tate sinsak hilou ding in panla thak ni.
Unaute zingpha. Tuni hun zatnuam chiat.