Israel kumpipa Jehoahaz tapa Jehoas kum nih a lal kum in Juda kumpipa Joash tapa Amaziah a lal pan…Huan, Toupa mitmuh in thil diktat tak ahih sek a, a pu David zaw a pha kei; a pa Joas thilhih bang ahih teisam zel hi (2 Kum.14:1,3).
Nang sang a na tate hong hoih zawk ding uh thil haksapi ahi chih na ngaihtuah ngei hia? Dai dide in saulou ngaihtuah sin himhim mah dih. A hoihzawkna ding uh, a diktat zawkna ding uh, Pathian thu a lunglut zawkna ding uh om in na thei hia?
Joash tuh pa hoih ahia, kumpi hoih a chiamteh ahi (2 Kum.12:2). A tapa, Amaziah in a pa khekhap zui a, mi hoih a chiamteh ahi. Himahleh David bel a pha kei a, a pa hih teng lel ahih hi.
En Jesu nung i zuihna tantan i ta ten leng hon zuihna ding uh kong (chance) a lian mahmah hi. Ahia dawi havang kal ah ichih bang in exception bel a om tham hi. Ahaz kumpi gilou himahleh a tapa, Hezekiah bel Juda kumpite lak a ahoih pen, Pathian lau pen a chiamteh theih khat ahi (2 Kum.16:1-4; 18:1-3). Huchimah bang in kumpi Josiah leng ahi. Himahleh Juda kumpite tanchin i sim leh a tamzaw ten a pate uh thilhih bangbang a hih vek sim uhi.
Nu leh pate hinkhua in i gintak khel in tate thuzohkha hi. Huaiziak in na ta ten Pathian lau in limsak le uh chih na deih leh nang na lauh a, na limsak masak poimoh hi. Nang Pathian na limsakna zahzah hiam, huai sang mah a leng niam zaw in hiam, na tate’n Pathian hon limsak ding uhi. Nang sang a ahon limsak zawkna ding uh vang mahmah hi.
Pa aw, nu leh pa ka hihna uah ka omdan uleh gamtatdan ua nang kon limsakna uleh lauhna uh ka tate uh sinsak kha ka hihdan un hon theisak thak inla, nang lauhna lam a amaute thuzoh thei ding in hon panpih in.
Unaute zingpha. Tuni hun zatnuam chiat