Huan, huai a kipan a pawt nung in Rekab tapa Jehonadab, amah dawn ding a hong pai a va mu a; huchi’n chibai a buk a, a kiang ah, na tung a lungsim dik ka pu bang in, lungsim dik na pu sam na hia? a chi a. Jehonadab in, Pu e, chi’n a dawng a. Ahihleh na khut hon pe dih a chi a. Huchi’n a khut a pia a, huan, ama’n a kiang ah kangtalai sung ah a kai lut a. Huan, ama’n, ka kiang ah hong tei inla, Toupa a dia phatuam ka ngaihdan mu himhim dih, a chi hi. Huchi’n a kangtalai ah a tuangsak hi (2 Kum.10:15-16).
Pathian in Jehu kumpi ding in a thaunilh a, Ahab leh a inkuante tung a ahehna semsuah a, that chimit vek ding in thu apia hi (2 Kum.9:6-10). Jehu in ginom tak a athupiak zui a asepsuah ziak in Pathian a kipak a, a suan li tan Israel-te laltutphah a tu ding ahihdan agen hi (2 Kum.10:30).
Himahleh Jehu in Pathian thu azuih pen lungsim siangthou leh tup diktak toh zui hi khollou ahi de aw chih tuni i tangteel apan muh theih a bang hi. Pathian adia phattuam a ngaihdan midangte muh leh theih ding a ut hi. Hiai ziak ahi kha ding a khonung lam ah Jehu inko tung ah Jezreel sisan phu lak ding ahihdan gen in a om hi (Hos.1:4,5).
Pathian adia i panna leh a nna i sepna ah lungsim kisaktheihna nei a, i sep leh hihte midangte muh leh pahtakna di kia lungsim a nei a hih khak ding a lauhuai mahmah hi.
Unaute zingpha. Tuni hun zatnuam chiat