Huan, Ahab in huai thu a zak in hichi ahi a, a puan a botkek a, sai-ip puan a silh a, an a ngawl a, sai-ip puan ah a lum a, dawm tak in a gamtangta. Huan, Toupa thu Tisbe mi Eliza kiang ah a hongtung a, Ahab ka ma a aki niamkhiak dan na mu hia? Ka ma a a kiniamkhiak ziak in a damsung in thil hoihlou ka tungsak kei ding a, a tapa damsung in bel a innkote tungah thil hoihlou ka tungsak ding, chi’n (1 Kum.21:27-29)
Ahab tuh Israel kumpite lak a a hoihlou pen ahi.
- Ama a kumpi omsa tengteng sang in thil gilou hih zaw hi (16:30).
- Baal bia hi (16:30-31).
- Baal’ inn ding bawl in huai ah maitam leh Asherah telsak hi (16:32-33).
- Amah vaihawm sung in Baal leh Asherah zawlnei taklou 850 ten a zi Jezebel’ dohkan ah ankuang um zel uhi (18:19).
- A zi Jezebel in Naboth that in a grape huan laksak hi (21:1-16).
- Juda kumpi Jehosphaphat tapa toh a tanu a kiteng ziak un a vaihawmna in Israel lalgam kia sukha lou in Juda lalgam leng sukha hi (2 Kro.18:1).
Himahleh a thilhoihlou hihte ziak a zawlnei Elijah in a tai leh kisik in Pathian mai ah kingainiam in kiniamkhiak hi. I lungsim tawng tak ah, hiai bang a kumpi thulimlou, thilhoih lou chi teng hih, zawlnei takloute be dia mipite hasuantu, hehpihna taktak nei i om din gintakhuai kasa khol kei hi.
Himahleh Pathian in hehpihna a nei hi. Huchimah bang in khelhna kisik a akiang zuan peuhmah tung ah hehpihna tungsak in, ngaidam nuam gige hi.
Hiai mah tuh khristian ten i lungsim a neih i tup a, i neih leh i neihlouh i lungsim chiat a i kidot zelzel ding in poimoh hi.
Unaute zingpha. Tuni hun zatnuam chiat