Solomon in Pharo tanu lou leng nam dang numei tampi Moabte, Ammonte, Edomte, Zidonte, Hitte numeite a it a; Huai namte tungtang thu Toupa’n Israel suante kiang ah, amau kithuahpih kei unla, amau leng hon kithuahpih kei uhen: a pathiante uh lam ah na lungtang uh lah a pikawi ngei sin ua, chi’n a na gen khin him a: huaite Solomon in itna in a len chinten hi (1 Kum.11:1-2)
Tuni a i tangteel i et leh mipil leh theihna hoihtak nei Solomon in bang ngaihtuahna nei ahi de aw chih i om hial hi. Paunakte laibu a tamzaw gelhtu hia; numei hoihlou in pasal hinkhua susia chia vauhilhna (warning) gelhtu hi zomah!
Hiai gamdang numeite a kitenpih hun in Solomon in a ngaihtuahna zang hetlou ahihdan muhtheih hi. Asiat-ahoih ngaihtuah hileh theihna lam ah a theipen ahi. Pathian in chiantak in namdang kitenpihte tuah ding Israel-te kiang ah genkhin mahleh Pathian thupiak a nelhsiah hi. Toupa kihtak (Solomon gen) pilna bul ahi; Solomon in a thilhihte a hih hun in Pathian thupiak a ngaikhe kei hi.
Thildik theih leh thildik hih (Knowing what is right and doing what is right) kichi kibanglou hi. I theihlouh ziak a tupmawng hilou a thil i bawlkhelh hun om tham hi. Himahleh hun tamzaw ah khristian ten Pathian phallou ahi, i khalam siatna ding ahi chih thei gegu hinapi a i hih teitei hun om sek hi.
Pa aw, thutak ka theihte uh ka hinkhua ua ka zat theihna ding un pilna hon pia in.
Unaute zingpha. Tuni hun zatnuam chiat