Aw Israel, na thupina na munsangte ah a that ua, mi liante a pukta uhi (2 Sam.1:19)
Tuni a i tangteel tuh David in kumpi Saul a sunna la, Israel-te sak ding a azilsak hial ahi. Saul in thah tum a delh den hinapi, bang ziak a David in hichi lawmlawm a Saul sihna khawksa ahi dia? Pathian namtel, Israel mite min hoihna (reputation) toh a kisaikhak ziak hi ding in gintakhuai hi. Saul tuh Israel-te thupina chi’n gen a, aban i simzom leh, “Gath ah genkei unla, Askelon kongzing ah phuang kei un; Huchilou in zaw Philistia tanute a kipak ding uh...” chi hi (2 Sam.1:20).
Namdangte lak ah Israel-te tuh Pathian mel langsaktu ahi ua, amau minsiatna tuh Pathian minsiatna suak hi.
Tuni’n leng khristian-te lak ah, saptuam sung hiam a i kingeihpih louh kua hiam in Saul bang a thuakna hon neih hun ah i pilvan mahmah poimoh hi. I melmate thuakna ziak a kipak ikisak lai in Pathian minsiatna kipahpih i hih khak ding lauhuai hi.
Unaute zingpha. Tuni hun zatnuam chiat