Huan, hichi ahi a, Saula kianga thu a gen khitin Jonathan hinna leh David hinna a hong kipeh geiha, huchiin Jonathan in amah hinna a it bangin amah a it hi (1 Sam.18:1)
Jonathan tuh David adia lawm dik (true friend) ahi. David toh thukhun a bawl zoh un a puansilh lai suah in David apia a, a thukhun hihkip hi. A kivatna, namsau, thalpeu leh taigakna na ngawn leng apia hi. Hiaite tuh thilpiak naran ahi kei hi. Kumpi’ tapa ahihna puansilh leh amah adia thil manpha pente a galvan leh kithopnate a pekhe ngam hi. Hiai in kumpi hihna laltutphah David pephal chihna ahi. Amah sang in David kumpi hileh chih a deihsak zaw hi. Apa Saul mai ah leng David gum in a paungam hi (1 Sam.20:30-31).
Hiai tuh lawm diktak tehna ahi. Lawm diktak in a it gige a (Pau.17:17), pianpih unaute sang in a ginom zaw a (Pau.18:24), a hinna a pephal hi (Jn.15:13). Mi khempeuh a ding in hiai bang a lawm hoih, dik leh ginom khat a om gige a, Amah tuh i Toupa Jesu Khrist ahi. Nang Amah lawm in na neita hia?
Jesu a lawm hoih i neih dan, i khelhna dahna paw ding… tua bang lawm ginom imu diam? I lungkham hon thuakpih ding; i hatlouhna teng Jesu’n thei. Toupa kiang thumna’n gen in.
Unaute Toupa’ ni zingpha. Tuni kikhop nuam chiat