Huan, Samuel in, Toupa TOUPA thu zui a pakta bang in halmang thillatte leh kithoihnate a pakta a hia? Ngai in, kithoihna sa’ng in thuman a hoih zaw a, belamtal thau sa’ng in a thu zuih a hoih zaw hi. Helna zaw aisan siamna khelhnate toh a kibang a, engtatna zaw milimbiak leh pathian lim biak toh a kikim hi. TOUPA thu na deih louh ziak in ama’n leng kumpipa ding in a hon deih samta kei hi, a chi hi (1 Sam.15:22,23).
Ginomna (sincerity) leh thumanna (obedience) a kikhen lou a apaikhawm ngai hi. Ginomna tellou thumanna kia bukim lou a, huchimah bang in thumanna tellou ginomna in omzia nei tuanlou hi. Mi khenkhat thumang, khelh ngaihdamna dia baptisma tang, biakna le tel gige, himahleh lungsim taktak a chihtakna (sincerity) toh Pathian’ thu thupiak zuilou chih om thei hi. Jesu’n, “kithoihna deihlou in zahngaihna ka deih” (Matt.9:13) achih bang in ginom leh chihtaktak a Pathian’ thupiak zuih poimoh hi. A minpu maimai a thuman in omzia neilou hi.
Thumanna diktak tuh ginomna leh chihtakna (sincerity) hi a, huai ginomna diktak gah tuh thumanna ahi zaw hi. Huaiziak in a polawng hilou a, lungsim a chitaktak a Pathian thupiak zui a thuman ngai hi.
Unaute zingpha. Tuni hun zatnuam chiat